384
REGISTRES DU BUREAU
[i564]
eulx pourveoir de boys propre et convenable,' et de lad. reduction advertir les marchans.
Jehan Moreau, boulenger, prisonnier pour raison de l'empeschement faict de admener ceans aucuns prisonniers, delivré prisonnier à. Ia caution de Es­tienne Legrand, cordonnier, demourant à Sainct-Germain des Prez, faisant les submissions acous-tumées, ce qu'il a faict.
De par les Prevost des Marchans et Eschevins
DE LA VILLE DE PaRIS.
• "Au jour d'huy, au Bureau de lad. Ville, a esté ordonné, pour obvier aux monopolles, abbuz et exactions que commectent les Charliers, gaigne-deniers et aultres à la distribution du boys de chauf-faige qui se vend et dcbitte chacun jour es portz
d'icelle Ville, que François Beaugendre, sergent d'icelle ou aultre sergent de la Ville, assistera par chacun jour, acompaigné d'aucuns archers qui luy seront baillez pour force, au port de l'Escolle Sainct Germain pour donner ordre à Iad. distribution, lorsqu'il y aura du gros boys, et obvier ausd, exac­tions et rançonnemens, faire charger le bois en la charrette par le chartier et ne souffrir qu'il y soit aucunement mis par aultres, suivant l'arrest de la Court, ausquelz archers, pour cest effect, est en­joinct donner aud. Beaugendre tout le secours et ayde dont ilz seront par luy requis, et admener prisonniers par devers nous les desobeissans et con­trevenans aux arrestz de la Court de Parlement et à noz jugemens et ordonnances, sur peine d'en res­pondre en leurs noms privez. "Faict aud. Bureau.d
DLXXI. — [Payement de sommes four vente de bled et flottaige de Basteau.]
i5 mars i564. (H 1780, fol. 221 v°.)
Du mercredy, xv0 Mars v° ixtn.
Ced. jour, est comparu au greffe de lad. Ville Margueritte Bury, marchande pubiicque, femme de Nicolas Scellier, boulenger, demourant es faulxbourgs Sainct Jacques, en personne, laquelle, en la presence de m' Loïs Personnier, procureur de Germain Le­febvre, marchant et bourgeois de Paris, a passé condemnation de paier aud. Lefebvre la somme de cent quinze solz tournois qu'elle a confessée debvoir à icelluy Lefebvre de reste de plus grand somme pour vente et delivrance de demy muy de bled four­ment, à paier icelle somme, assavoir, la moictié de­dans huictaine, et le reste à la huictaine ensuivant, et es despens, ct ce par emprisonnement de sa per­sonne, de son consentement.
Entre Moisant, procureur de Jehan Motin, de­mourant à Paris, present en personne, demandeur, d'une part, et Pierre Mercier, marchant bourgeois de Paris, present en personne, garny de Cellot, son procureur, defendeur, d'autre [part], partyes oyes, condemnons respectivement lesd, partyes à paier par moictié la somme de douze livres pour le flottaige du basteau dont est question ; et pour le surplus de la demande dud. demandeur, absolz led. deffendeur et sans despens.
Entre André, procureur de Nicolas Françoys, juré crieur de corps et de vins à Paris, demandeur, d'une part, et Cellot, procureur de Claude De­fresne, marchant et bourgeois de Paris, deffendeur, d'autre part, après que led. deffendeur n'a sceu dire cause vallable, icelluy condemnons à paier aud. de­mandeur la somme de cent quatre solz, quatre de­niers tournois, à luy deue par led. demandeur pour les causes contenues en la demande dont a esté baillé coppie aud. deffendeur, et es despens telz que de raison.
Au jour d'huy, est comparu au greffe de lad. Ville Margueritte Bury, demourant es faulxbourgs Sainct Jacques, en personne, marchande pubiicque, femme de Nicolas Scellier, boullenger, laquelle, en la pre­sence de Personnier, procureur de Germain Le­febvre, marchant et bourgeois de Paris, a passé condemnation de paier aud. Lefebvre la somme de cent quinze solz tournois qu'elle confesse debvoir à icelluy Lefebvre, de reste de plus grand somme pour vente et delivrance de demy muy de bled fourment, a paier icelle somme, sçavoir est, la moictié dedans huictaine et le reste à la huictaine ensuivant, et es despens, et ce par emprisonnement de sa personne, de son consentement.